Mádenıet salasyndaǵy memlekettik stıpendııa 2 ese arttyrylmaq
ASTANA. KAZINFORM – Qazaqstanda mádenıet salasy ókilderine arnalǵan memlekettik qoldaý tetikterin jetildirý jalǵasyp jatyr.
Atap aıtqanda, QR Mádenıet jáne aqparat mınıstrligi qoǵamdyq talqylaýǵa «Qazaqstan Respýblıkasynyń Tuńǵysh Prezıdentiniń mádenıet salasyndaǵy memlekettik stıpendııasyn taǵaıyndaý týraly» Jarlyqqa ózgeris engizý týraly jobany Ashyq «NQA» portalyna talqylaýǵa shyǵardy.
Qujatqa sáıkes, mádenıet salasyndaǵy memlekettik stıpendııa mólsherin 55 eselengen aılyq eseptik kórsetkishten 110 eselengen aılyq eseptik kórsetkishke deıin arttyrý kózdelip otyr. Bul bastama Memleket basshysynyń tapsyrmasyn iske asyrý aıasynda ázirlengen.
– Qazaqstan Respýblıkasy Prezıdentiniń 2026 jylǵy 20 sáýirdegi tapsyrmasyna sáıkes, 55 eselengen aılyq eseptik kórsetkishti 110 eselengen aılyq eseptik kórsetkish mólsherine ózgertýdi kózdeıdi, - delingen qujatta.
Joba 2026 jylǵy 18 mamyrǵa deıin qoǵamdyq talqylaýda bolady.
Aıta keteıik, Memlekettik keńesshi Erlan Qarın Qazaqstan Respýblıkasynyń Prezıdenti atynan mádenıet jáne óner qaıratkerlerine memlekettik stıpendııalardy tabys etti.
