Mádenıet pen sport bólinbeıtin uǵym - «Almaty kontsert» JShS-niń bas dırektory
ATY. 29 qańtar. QazAqparat /Erlik Erjanuly/ - «Mádenı Azıada» - qonaqtardy Qazaqstannyń baı tarıhı jáne mádenı murasymen tanystyratyn sport, mádenıet, ónerdiń basyn qosqan keshendi mádenı sharalar. Bul búgin Almatyda osy jobanyń aıasynda ótetin sharalardy tanystyrýǵa arnalǵan baspasóz máslıhaty kezinde aıtyldy.
«Almaty kontsert» JShS-niń bas dırektory Konstantın Korotkovtyń aıtýynsha, Almatydaǵy mádenı sharalar «Almaty - Qazaqstannyń mádenı ortalyǵy», «Azıada arýy» sulýlyq baıqaýy, «Ashyq aspan astyndaǵy saýyq keshteri», «Qazaqstanǵa qosh keldińizder» dostyq kezdesýleri, «Kınoazıada» degen taqyryptarda ótpek. Konstantın Korotkovtyń aıtýynsha, 1 aqpanda «Azıada arýy» sulýlyq baıqaýy, 1-3 aqpanda Azııa qurlyǵy elderiniń sport taqyryby boıynsha túsirilgen derekti jáne kórkem fılmderin kórsetýge arnalǵan «Kınoazıada». 2-4 aqpanda alǵash ret «Videomapping show» tehnologııasy boıynsha erekshe qoıylymdarymen ashyq aspan astyndaǵy bı keshteri. 2-5 aqpanda dástúrli, sımfonııalyq jáne qazirgi zamanǵy mýzyka juldyzdarynyń «Almaty - Qazaqstannyń mádenı ortalyǵy» dep atalatyn kontserttik baǵdarlamalar men dostyq kezdesýleri ótedi. Budan bólek, mereke kúnderi «Medeý» muz aıdynynda «Qar barysy» qalashyǵy kórermenderge óz esigin aıqara ashpaq.
