Mádenıet pen óner qyzmetkerleri kúni - memleket pen qoǵamnyń shyǵarmashylyq adamdaryna aıryqsha qurmetiniń belgisi - kórnekti mádenıet pen óner qaıratkerleriniń quttyqtaýy
ASTANA. 29 qyrkúıek. QazAqparat - Elbasy Jarlyǵymen qyrkúıektiń sońǵy jeksenbisi Mádenıet jáne óner qaıratkerleri kúni merekesi bolyp jarııalanýyna oraı elimizdiń kórnekti mádenıet jáne óner qaıratkerleri barsha jurtshylyqqa quttyqtaý joldady.
QazAqparat osy quttyqtaýdyń mátinin taratady
Qurmetti áriptester, dostar!
Barshańyzdy kásibı merekelerińizben - Mádenıet jáne óner qyzmetkerleri kúnimen shyn júrekten quttyqtaımyz.
Elimizde tuńǵysh ret atalyp ótiletin osy kásibı merekeniń memleket pen qoǵamnyń shyǵarmashylyq adamdaryna aıryqsha qurmetiniń belgisi retinde kúntizbeden laıyqty oryn alatynyna senimdimiz.
Biz Elbasymyz Nursultan Ábishuly Nazarbaevqa Qazaqstannyń rýhanı-mádenı, jasampazdyq áleýetin odan ári nyǵaıtý jolyndaǵy ólsheýsiz eńbegi, óner adamdary men talanttarǵa degen erekshe yqylasy úshin sheksiz alǵysymyzdy bildiremiz.
«Mádenı mura» tarıhı baǵdarlamasy, san-salaly mádenıetter toǵysqan qazaqstandyq birlik, salynyp jatqan biregeı kontserttik zaldar, teatrlar, mýzeıler, ónerdiń ártúrli salasynda júzege asyrylyp jatqan aýqymdy jobalar, alys jáne jaqyn sheteldermen mádenı yntymaqtastyqty keńeıtý, jas daryndarǵa bilim berýge jáne kásibı turǵydan shyńdalýyna qarjy bólý - munyń bári Qazaqstandy odan ári áleýmettik jańǵyrtýdyń qýatty negizi bolyp tabylady.
Elbasymyz óziniń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» maqalasynda «Qazaqstan ekonomıkasy, áleýmettik júıesi men saıasatynyń údemeli progresiniń mańyzdy faktory bolatyn aqparattyq-mádenı ortany qurý qajettiligi» týraly aıtqan bolatyn.
Mundaı ortany qurý - bizdiń qolymyzdan keledi.
Qymbatty dostar! Bizdiń turaqty shyǵarmashylyq izdenisimiz aldaǵy ýaqytta da Qazaqstannyń eń úzdik mádenı dástúrlerin saqtaý men damytýǵa baǵyttalatynyna senimdimiz!
Barshańyzǵa mádenıet pen ónerge qyzmet etý jolynda zor densaýlyq, shabyt, jańa shyǵarmashylyq tabystar tileımiz!
Ermek Serkebaev, KSRO-nyń halyq ártisi, Sotsıalıstik Eńbek Eri, KSRO jáne Qazaqstan Memlekettik syılyqtarynyń laýreaty,
Bıbigúl Tólegenova, KSRO-nyń halyq ártisi, Sotsıalıstik Eńbek Eri, KSRO jáne Qazaqstan Memlekettik syılyqtarynyń laýreaty,
Erkeǵalı Rahmadıev, KSRO-nyń halyq ártisi, Eńbek Eri, Qazaqstannyń Memlekettik syılyǵynyń laýreaty,
Rýben Andrıasıan, Qazaqstannyń halyq ártisi, Qazaqstannyń Memlekettik syılyǵynyń laýreaty,
Asanáli Áshimov, KSRO-nyń halyq ártisi, KSRO jáne Qazaqstan Memlekettik syılyqtarynyń laýreaty,
Qanafııa Teljanov, KSRO-nyń halyq sýretshisi,
Shot-Aman Ýálıhanov, Qazaqstannyń eńbek sińirgen sáýletshisi, Qazaqstannyń Memlekettik syılyǵynyń laýreaty,
Nurjuman Yqtymbaev, Qazaqstannyń halyq ártisi, KSRO Memlekettik syılyǵynyń laýreaty,
Eskendir Hasanǵalıev, Qazaqstannyń halyq ártisi, Qazaqstannyń Memlekettik syılyǵynyń laýreaty,
Nurǵalı Núsipjanov, Qazaqstannyń halyq ártisi, Qazaqstannyń Memlekettik syılyǵynyń laýreaty,
Jánııa Áýbákirova, Qazaqstannyń halyq ártisi, Qazaqstannyń Memlekettik syılyǵynyń laýreaty,
Aıman Musaqojaeva, Qazaqstannyń halyq ártisi, Qazaqstannyń Memlekettik syılyǵynyń laýreaty,
Igor Vovnıanko, Qazaqstannyń eńbek sińirgen qaıratkeri, Qazaqstannyń Memlekettik syılyǵynyń laýreaty.
