Mádenıet nysandary mınıstrliktiń kelisiminsiz jabylmaıdy - Muhamedıuly
Bul týraly búgin Senatta «Qazaqstan Respýblıkasynyń keıbir zańnamalyq aktilerine mádenıet máseleleri boıynsha ózgerister men tolyqtyrýlar engizý týraly» zań jobasyn talqylaý kezinde Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat.
«Alǵash ret norma engizilip jatyr, oǵan sáıkes, jergilikti atqarýshy organdar mádenı nysandardy japqanda nemese ashatyn kezde tek ókiletti organnyń kelisimimen júzege asyrady. Shynynda da, óńirlerde mádenıet úıleri ókiletti organmen kelispesten jabylyp jatyr degen eskertýler bolǵan edi. ıAǵnı osyǵan deıin bul baǵyttaǵy sharalar esh kelisýsiz atqarylatyn. Endi osy normanyń arqasynda atalǵan úderisti retteý múmkindigin alamyz»,-dedi Muhamedıuly.
Onyń sózine qaraǵanda, mádenıet nysandaryn jabý nemese jekeshelendirý máseleleri de mınıstrlikpen kelisiletin bolady.
Osy oraıda mınıstr zań jobasy mádenıet salasynda memlekettik retteýdiń tıimdiligin arttyrý turǵysynda óte mańyzdy ekenin atap ótti.
