Mádenıet mınıstrliginiń 2011 - 2015 jyldarǵa arnalǵan strategııalyq josparyna ózgerister engizildi
ASTANA. 4 shilde. QazAqparat - Mádenıet mınıstrliginiń 2011 - 2015 jyldarǵa arnalǵan strategııalyq josparyna ózgerister engizildi. QazAqparat qujattyń mátinin taratady.
Qazaqstan Respýblıkasy Úkimetiniń qaýlysy
Astana, Úkimet Úıi, 2012 jyldyń 17 qańtarynan, №90
«Qazaqstan Respýblıkasy Mádenıet mınıstrliginiń 2011 - 2015 jyldarǵa arnalǵan strategııalyq jospary týraly» Qazaqstan Respýblıkasy Úkimetiniń 2011 jylǵy 8 aqpandaǵy №96 qaýlysyna ózgeris engizý týraly
Qazaqstan Respýblıkasynyń 2008 jylǵy 4 jeltoqsandaǵy Bıýdjet kodeksiniń 62-babyna sáıkes Qazaqstan Respýblıkasynyń Úkimeti qaýly etedi:
1. «Qazaqstan Respýblıkasy Mádenıet mınıstrliginiń 2011 - 2015 jyldarǵa arnalǵan strategııalyq jospary týraly» Qazaqstan Respýblıkasy Úkimetiniń 2011 jylǵy 8 aqpandaǵy № 96 qaýlysyna (Qazaqstan Respýblıkasynyń PÚAJ-y, 2011 j., №18, 213-qujat) mynadaı ózgeris engizilsin:
kórsetilgen qaýlymen bekitilgen Qazaqstan Respýblıkasy Mádenıet mınıstrliginiń 2011 - 2015 jyldarǵa arnalǵan strategııalyq jospary osy qaýlyǵa qosymshaǵa sáıkes jańa redaktsııada jazylsyn.
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSІMOV.
Jospardyń mátini respýblıkalyq BAQ-da jarııalandy.
