Mádenıet mınıstrligi Tilderdi damytý baǵdarlamasyn atqarý jónindegi qoǵamdyq keńes qurýǵa bastama jasady
TANA. 9 tamyz. QazAqparat /Qanat Mámetqazyuly/ - QR Mádenıet mınıstrligi 2011-2020 jyldarǵa arnalǵan Tilderdi damytýdyń memlekettik baǵdarlamasyn júzege asyrý jónindegi qoǵamdyq keńes qurýǵa bastamashylyq jasady.
Bul týraly búgin atalǵan vedomstvoda ótken jıyn barysynda Mádenıet mınıstrliginiń Jaýapty hatshysy Janna Qurmanǵalıeva málim etti.
Jaýapty hatshynyń aıtýynsha, atalǵan keńes eń aldymen til máselesindegi dıalogtyq alań retinde qalyptasatyn bolady. «Bundaı dıalogtyq alańdy qurýdyń qajettiligi ne? Saraptamalyq zertteýerge súıensek, qazaqtildi jáne orys tildi baspasózdiń kez kelgen máseledegi kún tártibi ártúrli. Tipti jańadan jasalyp jatqan zań jobalary boıynsha árqıly pikirler aıtady. Sondyqtan da, biz barlyq múddeli taraptardy, jaqtastar men qarsylardy da qatystyratyn alań qurǵymyz keledi. Óıtkeni, biz bir elde turamyz ári qoǵam turaqtylyǵyna bárimiz jaýaptymyz. Bul rette memlekettik til máselesi ulttyq birliktiń faktory bolýy shart», - dedi J. Qurmanǵalıeva.
Onyń aıtýynsha, atalǵan qoǵamdyq keńeske múshe bolý barynsha ashyq. Bul rette til@ok.kz poshta jáshigine kez kelgen azamat, kez kelgen uıym ózderiniń qoǵamdyq keńes jumysyna qatysý nıetterin joldaı alady. «Qoǵamdyq keńes til zańnamasyn jetildirýge jáne til tóńiregindegi barlyq baǵyttarǵa baılanysty usynymdar ázirleıtin bolady. Sonymen qatar, tilderdi oqytý ádistemeleri, ınnovatsııalyq jobalaryna qatysty halyqtyq saraptama da júrgiziledi. Qandaı ádisteme durys, qaısy jumys jetildirýdi qajet etedi, osynyń bári qoǵamdyq keńeste talqylanady», - dedi J. Qurmanǵalıeva.
