Mádenıet mınıstrligi sport sharalarynyń toqtatylǵany týraly aqparatty joqqa shyǵardy

NUR-SULTAN. QazAqparat – QR Mádenıet jáne sport mınıstrligi elimizde buqaralyq sporttyq sharalardyń múlde toqtatylǵany týraly aqparatty joqqa shyǵardy, dep habarlaıdy QazAqparat tilshisi.

«Mádenıet jáne sport mınıstrligi eshqandaı buqaralyq sporttyq sharany keıinge qaldyrǵan joq. Qazaqstanda buqaralyq sporttyq sharalar ótpeıtini týraly aqparat shyndyqqa janaspaıdy. Mundaı sheshimdi QR Úkimeti janyndaǵy vedomstvoaralyq komıssııa qabyldaıdy. Komıssııaǵa koronavırýs ınfektsııasy keń taraǵan elderge sportshylardy jibermeý týraly usynys berilgen edi», - dep habarlaıdy mınıstrliktiń baspasóz qyzmetinen.

Mınıstrlik sonymen qatar Qazaqstan aýmaǵynda ótetin buqaralyq sport sharalary týraly eshqandaı sheshim qabyldamaǵanyn habarlady.

Aıta ketsek, buǵan deıin Mádenıet jáne sport mınıstrligi buqaralyq sporttyq sharalardy ótkizbeı, toqtatyp jatyr degen aqparat taraǵan edi.