Mádenıet mınıstrligi memlkettik til mártebesin arttyrýǵa baǵyttalǵan birqatar is-sharalardy júzege asyrady

Bul týraly búgin Mádenıet mınıstrliginde ótken jıyn barysynda mınıstrliktiń jaýapty hatshysy Janna Qurmanǵalıeva málim etti.

«Sońǵy ýaqyttarda elimizdegi til máselesine qatysty asa mańyzdy qujattar qabyldandy. Atap aıtsaq, maýsym aıynyń sońynda Elbasy Tilderdi damytýdyń 2011-2020 jyldarǵa deıingi memlekettik baǵdarlamasyna qol qoıdy. Sonymen qatar, shilde aıynyń sońyna taman Úkimet basshysy baǵdarlamany júzege asyrýǵa negizdelgen is-sharalar josparyn bekitti. Atalmysh eki mańyzdy qujat aıasynda Mádenıet mınıstrligi birqatar jumystardy júzege asyryp keledi. Birinshiden, biz memlekettik tildi damytýǵa qatysty zańnamany jetildirýdi qolǵa alyp otyrmyz. Sonymen qatar, memlekettik tildi úıretý standarttar tehnologııasyn ázirleý júzege asyp, ádisteme bazasy nyǵaıtylady. Úshinshiden, memlekettik tildiń mártebesine qatysty qoǵamdyq sanany arttyratyn jobalar júzege asady», - dedi J. Qurmanǵalıeva.

Jaýapty hatshynyń aıtýynsha, baǵdarlamany júzege asyrýdyń birinshi kezeginde tilderdi damytýǵa qatysty zańnamany qabyldaýmen qatar, onomastıka, termınologııa salasyndaǵy jumystardy biryńǵaılaý kózdeledi. «Bul rette memlekettik tilde oqytýdyń biregeı standart-tehnologııalaryn ázirlep, engizýdiń mańyzy zor bolmaq. Búgingi kúni basty problema osy bolyp otyr. Elimizde 101 til úıretý ortalyqtary qyzmet etse, olardyń árqaısysynyń memlekettik tildi úıretýge qatysty ózindik ádistemeleri bar. Qazirgi tańda Tilderdi damytý komıteti «QazTestpen» memlekettik tildi oqytýdyń biregeı standart-tehnologııasyn ázirleý boıynsha kelisimshart jasady. Bul halyqaralyq talaptarǵa sáıkes, 6 deńgeıden turady», - deıdi J. Qurmanǵalıeva. Onyń aıtýynsha, qoǵamdyq sanada memlekettik tildiń oń ımıdjin qalyptastyrý maqsatynda 2 úlken telejoba túsirilýde. Bunyń biri realıtı-shoý bolsa, ekinshisi memlekettik tilge oqytýdyń telebaǵdarlamasy.