Mádenıet mınıstrligi konkımen júgirýshi Bondarchýkke qymbat ota jasaýǵa qarjylaı kómek beredi

ASTANA. QazAqparat -  QR Mádenıet jáne sport mınıstrligi konkımen júgirýshi Alekseı Bondarchýktiń emdelýine birkúndik jalaqylaryn aýdarady, dep habarlaıdy QazAqparat.

«2010 jylǵy jarystarda álem chempıony ataǵyn jeńip alǵan qazaqstandyq konkımen júgirýshi Alekseı Bondarchýk kómek kórsetýdi ótindi. Qostanaıda turatyn Alekseıdi kene shaǵyp, keıinnen onyń  saldary ortalyq júıke júıesiniń asqynýyna ákep soqqan. Ol Máskeýde em ala bastaǵanymen esh nátıje bermegen. Qazirgi ýaqytta emi Úndistannan tabylyp otyr. Oǵan shamamen 5 mln. teńge qajet», - delingen mınıstrlik taratqan habarlamada.

Vedomstvo aqparatyna qaraǵanda, Mádenıet jáne sport mınıstrliginiń qyzmetkerleri sportshynyń emdelýi úshin birkúndik jalaqylaryn aýdaratyn bolady.

Aıta keteıik, Alekseı 2010 jylǵy jastar arasyndaǵy álem kýbogynyń jeńimpazy, Azııa chempıonatynyń 2 dúrkin kúmis júldegeri.

Buǵan deıin QazAqparatqa Alekseıdiń jubaıy ıAna Bondarchýk kene shaqqannan keıingi jarty jyldan soń jas jigittiń sol qolynda álsizdik baıqalǵanyn aıtqan bolatyn. Bastapqyda buǵan sporttyq júktemege baılanysty týyndaǵan jaıt dep nazar aýdarmaǵan.

«Biraz ýaqyttan soń oń qoly da álsizdenip, odan keıin aýrýhanaǵa júgindik», - degen edi ıAna.