Mádenıet mınıstrligi Qazaqstannyń negizgi týrıstik oryndaryn atady
ASTANA. QazAqparat - QR Mádenıet jáne sport mınıstrligi týrıster úshin ınfraqurylym qamtamasyz etilip jatqan Qazaqstannyń TOP-50 týrıstik oryndaryn atady, dep habarlaıdy QazAqparat.
«Memleket basshysynyń tapsyrmasy boıynsha týrızmdi damytý maqsatynda Úkimet tarapynan elimizde osy salaǵa arnalǵan memlekettik baǵdarlama ázirlenip jatyr. Baǵdarlama maqsaty - TOP-10 jáne TOP-50 jobalaryn qurý arqyly óńirler usynystarymen ınfraqurylymdy qamtamasyz etý», - delingen atalǵan mınıstrliktiń «QazAqparatqa» bergen jaýabynda.
Atap aıtqanda, TOP-10 jobaǵa Balqash pen Alakól jaǵalaýlary, Sharyn shatqaly, Almaty óńiriniń taý klasteri, kóne Túrkistandy qalpyna keltirý, Aşysor týrıstik aımaǵy, Býrabaı, Imantaý-Shalqar jáne Baıanaýyl kýrorttyq aımaqtary, «Kóshpeliler tarıhy» ortalyǵy enip otyr.
Vedomstvo málimetine qaraǵanda, TOP-50 týrıstik oryndary men jobalary Qazaqstannyń ár óńirin qamtydy.
Astanadaǵy nysandar: Elordanyń sáýlettik-mádenı nysandary (Báıterek, Beıbitshilik jáne kelisim saraıy men basqa da nysandar), «Nur álem» mýzeıi, "ALJIR" mýzeı-memorıaldyq kesheni, Medıtsınalyq klaster, Bilim berý klasteri, Ǵarysh mýzeıi, Akvapark, Halyqaralyq týrızm ýnıversıteti.
Aqmola oblysynda: Býrabaı kýrorttyq aımaǵy, Zerendi kýrorttyq aımaǵy, Balalar-jasóspirimder týrızmi klasteri.
Almatyda: «Medeý» sport kesheni, «Shymbulaq» kýrorty, Úlken Almaty kóli, Kóktóbe saıabaǵy, Almatynyń mádenı nysandary, «Kókjaılaý» kýrorty.
Almaty oblysy: Qapshaǵaı sý qoımasy, Kólsaı kólderi, «Altynemel» ulttyq parki, Іle-Alataý ulttyq saıabaǵy, «Qorǵas» halyqaralyq ortalyǵy, «Happyland» parki, Úlken Almaty kanaly.
Aqtóbe oblysynda: Qarǵaly sý qoımasynyń kýrorttyq aımaǵy.
Atyraý oblysynda: Orta ǵasyrdaǵy Saraıshyq kesheni.
Shyǵys Qazaqstan oblysynda: Katonqaraǵaı ulttyq parki, Altaıdyń taý shańǵysy klasteri, Rahman qaınary.
Jambyl oblysynda: «Aqyrtas» saraı kesheni, «Qarahan» kesenesi.
Batys Qazaqstan oblysynda: Bókeı ordasy tarıhı-mýzeı kesheni, Balalar-jasóspirimder týrızmi klasteri.
Qaraǵandy oblysynda: Qarqaraly kýrorttyq aımaǵy, «Ulytaý» tarıhı-mádenı kesheni.
Qostanaı oblysynda: Altynsarın aýdanynyń kýrorttyq aımaǵy, Ańshylyq týrızmi klasteri.
Qyzylorda oblysynda: Qamystybas kóli kýrorttyq aımaǵy, Jańaqorǵan kýrorttary, «Baıqońyr» ǵarysh aılaǵy.
Mańǵystaý oblysynda: Aqtaý jaǵajaı aımaǵy, «Kendirli» kýrorttyq aımaǵy, Tarıhı-mádenı týrızm baǵytyndaǵy nysandar.
Túrkistan oblysynda: Saıram-Ógem tabıǵı parki, Saryaǵash kýrorttyq aımaǵy, Tarıhı-mádenı týrızm baǵytyndaǵy nysandar, «Qasqasý» taý-shańǵy kýrorty.
