Mádenıet mınıstrligi qazaqstandyq kınony halyqaralyq naryqtarǵa shyǵarmaq
«Búgin bizdiń aldymyzda óte mańyzdy maqsat tur, ıaǵnı ol kınoóndiristiń sapalyq jáne sandyq kórsetkishterin arttyrýǵa, qazaqstandyq kınony halyqaralyq naryqtarǵa shyǵarýdy qamtamasyz etýge baılanysty. Osy rette bul maqsat-mindetti eńserý bizdiń kınoóndiristiń, bul saladaǵy qaıratkerlerdiń qolynan keledi»,-dedi Qazaqstan Respýblıkasynyń Mádenıet jáne sport vıtse-mınıstri A. Raıymqulova QR «Kınematografııa týraly» zań jobasyn ázirleýge máselesine arnalǵan «dóńgelek ústelde».
Aıta keteıik, zań jobasyn ázirleý bastamasy kınematografııa salasyndaǵy quqyqtyq retteý tıimdiligin arttyrý, qoldanystaǵy zańnamadaǵy jáne sabaqtas salalardaǵy kemshilikterdi joıý qajettigimen bekitildi. Bul qujatty qabyldaý ulttyq kınoóndiristi qoldaýǵa, ulttyq fılmderdiń prokaty jáne dıstrıbýtsııasy salasynda qolaıly jaǵdaı jasaýǵa, sondaı-aq el aýmaǵynda, álemde qazaqstandyq kınonyń sapasy men básekege qabilettiligin arttyrýǵa negizdelgen birqatar sharalardy qamtıdy.
Belgili bolǵandaı, Kınematografııany damytý tujyrymdamasy boıynsha aǵymdaǵy jyl boıy tıisti jumystar atqaryldy.
