Mádenıet mınıstrligi karantınde qandaı onlaın jobalardy júzege asyryp jatyr
Atap aıtqanda, kún saıyn saǵat 08:00-de #BizBirgemiz #AlǵaQazaqstan heshtegimen sportshylardyń qatysýymen tańǵy jattyǵý ótedi. Bul joba aıasynda elge esimi tanys atletter turǵyndardy salaýatty ómir saltyn qalyptastyrýǵa úndeıdi.
Al saǵat 12:00-de #óneronline heshtegimen mədenıet salasynda onlaın-dárister ótip jatyr. Təjirıbeli sheberler óz salasynyń qyr-syrymen tanystyratyn jobany Mádenıet jáne sport mınıstrliginiń Facebook paraqshasynan tamashalaýǵa bolady.
Saǵat 14:00-de #BizBirgemiz #AlǵaQazaqstan heshtegimen sport taqyrybynda onlaın-dərister men jarystar ótedi. Munda sport maıtalmandary ər sport túriniń qalyptasýy, tarıhy, damýy jaıynda baıandaıdy.
Saǵat 17:00-de #óneronline heshtegimen mədenıet, óner taqyrybynda onlaın-dərister uıymdastyrylady. Bul sheberlik-dárisin de Mádenıet jáne sport mınıstrliginiń Feısbýk paraqshasynan tamashalaýǵa múmkindik bar.
Saǵat 18:00-de #BizBirgemiz #AlǵaQazaqstan heshtegimen sportshylardan, bapkerler men sport mamandarynan onlaın-suhbat alynady. Qysqa əńgime barysynda sportshylar qyzyqty oqıǵalarymen, al bapkerler óz jumysynyń ereksheligi jaıynda baıandaıdy.
Saǵat 21:00-de «Karantındegi juldyz» aıdarymen estradamyzdyń tanymal ənshileri onlaın-kontsert beredi. Sonymen qosa óner ıeleri tyńdarman tarapynan qoıylǵan suraqtarǵa jaýap berip, pikir almasady.
Kórermender onlaın-kontsertti Qazaqtelekomnyń Youtube arnasynan jáne Mádenıet jáne sport mınıstrliginiń Facebook paraqshasynan tamashalaı alady.
Munan bólek, 1 sáýirden bastap saǵat 9:30, 13:30, 16:30-da mədenıet, óner taqyrybynda Qurmanǵazy atyndaǵy Qazaq ulttyq konservatorııasy men Qazaq radıosynyń birlesken jobasy - «Halyq qazynasy» tikeleı efırde shyǵyp júr.
Sondaı-aq, «Til-Qazyna» ortalyǵy «Memlekettik tildi oqytý ədistemesi» atty onlaın-kýrstar uıymdastyrady.