Mádenıet mınıstrligi aǵymdaǵy jyly BAQ-qa memlekettik tapsyrys úshin fılmderge 160 mln. teńge jumsaıdy
Al memlekettik BAQ-tar úshin tarıf 25 esege ulǵaıady. Bul týraly QR Mádenıet jáne aqparat mınıstrligi Aqparat jáne muraǵat komıtetiniń tóraǵasy Bolat Qalıanbekov málim etti, dep habarlaıdy Tengrinews.kz.
2013 jyldan bastap baǵdarlamalar boıynsha telearnalarmen esep aıyrysý mınýtyna júrgiziledi. Al buǵan deıin saǵatyna eseptelinip kelgen edi. Aıta keterligi, respýblıkalyq telearnalar úshin memlekettik tapsyrys baǵasy buǵan deıin 1 saǵatyna 120 myń teńgeni qurady. Sonyń saldarynan oǵan telearnalar qyzyǵýshylyq tanytpaǵan bolatyn.
Buǵan qosa, buryndary mınıstrlik tarapynan telearnalarǵa jalpy sıpattaǵy máselen, medıtsınany, bilim berýdi damytý, til saıasatyn júzege asyrý syndy ónimderge tapsyrys berilip kelgen-di. Jańa tarıftiń engizilýine oraı mınıstrlik memlekettik emes BAQ-tarǵa naqty jobalar formatyndaǵy saıası emes kontentterge tapsyrys beretin bolady.
«Bul balalarǵa arnalǵan, tanymdyq, áskerı-patrıottyq, mádenı baǵdarlamalar, arnaıy tok-shoýlar, reportajdyq materıaldar bolady. Bul telearnalardyń óz reıtıngterin arttyrýǵa yntalana túsýine múmkindik beredi. Memlekettik tapsyrystyń basty mindeti - qazaqstandyq kórermenge jaqsy, sapaly ónim berý. Bul rette basty talaptardyń biri jobanyń joǵary reıtıngi bolmaq. Reıtıng bolsa, onda kórermen kóredi degen sóz. Al reıtıng bolmasa - tólem tómendetiledi», - dedi B.Qalıanbekov.
Budan bólek aldaǵy ýaqytta derektilik deńgeıin kóterý máselesine erekshe nazar aýdarylady. Mınıstrlikpen derekti fılmder óndirisi úshin 1 mınýttyq bazalyq qundy mınýtyna 50-den 180 myń teńgege deıin ulǵaıtý máselesi qaraldy. Normatıv 3,5 eseden astamǵa ulǵaıtyldy.
«Bul bir 30 mınýttyq derekti fılmdi óndirý úshin shamamen 5,4 mln. teńge bólýge múmkindik beredi. bul kólemder osyndaı ónimderdi óndirýdi qarjyldandyrý boıynsha jalpy álemdik standartqa saı keledi. Saraptamalyq málimetterge sáıkes, sheteldik mamandardy tartý arqyly túsirilgen bir 30 mınýttyq derekti fılmniń baǵasy shamamen 6 mln. teńgeni quraıdy. Atalǵan maqsattarǵa 2013 jyly shamamen 161 mln. teńge bólý josparlanýda. Bul mólshermen 23-30 derekti fılm men sapasy joǵary beınerolık serııasyn túsirýge múmkindik beredi», - dedi komıtet tóraǵasy.
Onyń atap ótýinshe, óndiristiń barlyq kezeńderinde mınıstrlik tarabynan fılmniń sapasyna baqylaý júıesi qalyptastyrylatyn bolady. Daıyn ónim barlyq múddeli qurylymdardyń aqyldasýymen qabyldanady. «2013 jyl joba úshin ilki jyl ekendigin atap ótkim keledi. Barlyq is-sharalar qazirgi ýaqytta bólingen qarjy-qarajaty aıasynda júrgizilýde», - dedi B.Qalıanbekov. Onyń paıymynsha, telearnalar tarabynan memlekettik-jeke áriptestik ustanymy boıynsha jobalardy teńqarjylandyrý tetiginiń de oryn alýy múmkin.
«Máselen, memleket 60 mıllıon teńge berip, basty mindet - qyzyqty ónim berýdi júkteıdi. Múmkin ol «Saıahatshylar klýby» baǵdarlamasy bolsyn. Onda nege dál osy baǵdarlamaǵa demeýshilerdi, jarnama berýshilerdi tartpasqa? Bul telearnalarǵa jaqsy joba jasaýmen qatar paıda tabýyna da qosymsha múmkindik beredi», - dedi ol.
Bul rette BAQ úshin memlekettik tapsyrys memlekettik tapsyrystar týraly zańmen reglamenttelgen. Basymdyqta barynsha tómen baǵalar. Konkýrstyq komıssııa janynan áleýetti jetkizýshiniń biliktiligin baǵalaıtyn sarapshylyq komıssııa qurylatyn bolady. Atap aıtqanda, Konkýrstyq qujattamaǵa qyzmetti jetkizýdegi jetkizýshiniń kontseptýaldy kózqarasy ashyq kórsetiletin arnaıy bólim engiziledi. Ol fılm stsenarııiniń jobasy, tartylatyn tehnıkalyq quraldarǵa sholý, kadrlyq áleýet bolýy tıis. Sarapshylyq komıssııa aqyldasa otyryp, usynylǵan qujattardy qaraıdy jáne óz usynystaryn shyǵarady.
«Meniń oıymsha, sarapshylyq komıssııa jumysy jetkizýshi deńgeıin barynsha arttyrýǵa múmkindik berip, «jeńil aqsha» tabý úshin ǵana kelgen ári fılmdi qalaı túsirý kerektigin kóz aldyna elestete de almaıtyn jetkizýshilerge qatysty máselelerdi túbegeıli sheshedi», - dedi B.Qalıanbekov.
