Jańarý kúnine oraı elde qandaı mádenı sharalar ótedi
ASTANA. KAZINFORM - Naýryznama onkúndiginiń altynshy kúni – Jańarý kúni. Osyǵan oraı respýblıkalyq mádenıet uıymdary birqatar is-sharalar uıymdastyrady, dep habarlaıdy QR mádenıet jáne aqparat mınıstrliginiń baspasóz qyzmeti.
Baspasóz qyzmetiniń málimetterine qaraǵanda, Qazaqstan Respýblıkasynyń Ulttyq ortalyq mýzeıinde dástúr men rýhanı qundylyqtardy nasıhattaýǵa baǵyttalǵan «Nur sebele, Ulystyń uly kúni» atty mádenı-tanymdyq is-shara ótedi.
Mádenıetterdi jaqyndastyrý ortalyǵynda tazalyq pen qorshaǵan ortaǵa jaýapkershilikpen qaraý maqsatynda «Jańarýdy – tazalyqtan bastaıyq» atty senbilik josparlanyp otyr.
Ulttyq mýzeıde «Naýryz — jańarý men birliktiń merekesi» atty mádenı baǵdarlama usynylady.
Al Respýblıkalyq akademııalyq nemis drama teatry saıabaqta kóktemgi jańarý men jastar taqyrybyna arnalǵan baǵdarlama uıymdastyrmaq.
Merekelik is-sharalar el óńirlerinde de jalǵasady. Ár aımaqta ekologııalyq aktsııalar, senbilikter, aǵash otyrǵyzý, mádenı-aǵartýshylyq baǵdarlamalar ótkiziledi.
Qaraǵandy oblysynda ekologııalyq bastamalar men jastar aktsııalary ótse, Aqmola oblysynda aýmaqtar abattandyrylady. Aqtóbe oblysynda taqyryptyq baǵdarlamalar men qoǵamdyq is-sharalar josparlanǵan, al Mańǵystaý oblysynda jastar men volonterlerdiń qatysýymen túrli jobalar júzege asady.
Osyǵan deıin Astanada Ulttyq kıim kúnine oraı festıval ótkeni týraly jazdyq.
