Mádenıet mınıstrligi balalardy áleýmettik jelidegi qaýipti kontentten qorǵaýǵa qatysty túsinik berdi

ASTANA. KAZINFORM — Mádenıet jáne aqparat vıtse-mınıstri Evgenıı Kochetov Qazaqstanda balalar men jasóspirimderdiń áleýmettik jelilerge kirýin shekteýge qatysty usynystarǵa pikir aıtty. 

— Bul qoldanystaǵy akkaýntarǵa qoldanylmaıdy, ıaǵnı shekteýler tek akkaýnttar jańadan qurylanǵan kezde málimetteri naqtylaý barysynda qoıylady, — dedi Evgenıı Kochetov Senatta tilshiler suraǵyna jaýap bere otyryp.

Ol qazirgi ýaqytta naqty túpkilikti sheshim qabyldanbaǵanyn atap ótti. Qazir bastamany talqylaýdyń bastapqy kezeńi júrip jatyr.

Vıtse-mınıstr halyqaralyq tájirıbege de nazar aýdardy.

— Jaqynda ǵana Ispanııa Premer-mınıstriniń Dýbaıdaǵy World Government Summit-i kezinde óz eliniń balalarǵa qatysty aqparattyq saıasatyn qalaı qaıta qarastyratynyn aıtty. Bul elde shekteýler engiziledi. Ispanııa men ıspan tildi elder álemdegi onlaın platformalardyń úlken bóligin quraıdy. Osyndaı shekteýler Frantsııanyń eń joǵary zań shyǵarýshy organynda talqylanyp jatqanyn baıqadyq. Atap aıtqanda, balalarǵa qatysty shekteý úrdisi aıqyn kórinip jatyr, — dedi vıtse-mınıstr.

Osy oraıda ol jyl sońyna deıin tıisti zań jobasy Qazaqstan Parlamentinde talqylanýy tıis ekenin aıtty.

Aıta keteıik, jaqynda Premer-mınıstr Oljas Bektenov balalardy áleýmettik jelilerdegi zııandy kontentten qorǵaý úshin batyl sheshimder qabyldaýdy tapsyrdy.