Mádenıet mınıstri: Ult Jospary aıasynda aýqymdy kıno jáne telejobalar jasalady

ASTANA. QazAqparat - Ult Jospary aıasynda aýqymdy kıno jáne telejobalar jasalady. Bul týraly búgin QR Mádenıet jáne sport mınıstrliginiń alqa májilisinde vedomstvo basshysy Arystanbek Muxamedıuly málim etti.

«Ult Jospary aıasynda 2015-2020 jyldarǵa arnalǵan aýqymdy kıno jáne teledıdar jobalaryn jasaý úshin «Máńgilik El» atty keshendi jospar qabyldandy. Bul mańyzdy tarıhı oqıǵalar men kórnekti tulǵalar, eldiń, qazirgi zamanǵy baı ári biregeı tarıhı jáne mádenı murany úzdik mysaldarmen nasıhattaýǵa múmkindik beredi», - dedi ol.

Aıta keteıik, mınıstrliktiń alqa májilisi memlekettik organnyń 2015 jylǵy jumysynyń nátıjeleri jáne 2016 jylǵa qoıylǵan mindetter talqylandy. Onyń jumysyna QR Premer-Mınıstriniń orynbasary Darıǵa Nazarbaeva, mınıstrlik basshylyǵy, komıtetter tóraǵalary men departament dırektorlary, BAQ qatysqan bolatyn.