Mádenıet mınıstri mıýzıkl janryn jandandyrmaq

ASTANA. QazAqparat - Mádenıet jáne sport mınıstri aldaǵy ýaqytta mıýzıkl janryn jandandyrýdy qolǵa alatyn bolady. Bul týraly búgin Parlament Senatyndaǵy kezdesý barysynda QR Mádenıet jáne sport mınıstri Arystanbek Muhamedıuly málim etti.

Sóz arasynda mınıstr aǵymdaǵy jyldan bastap «Ortalyq kontsert zaly» vedomstvonyń qaramaǵyna ótkenin alǵa tartyp, aldaǵy ýaqytta «Qazaqkontsert» brendin Astanaǵa kóshirý týraly sheshim qabyldanǵanyn jetkizdi.

«Bizdiń aldaǵy ýaqytta atqaratyn basty maqsatymyzdyń biri - janrlardy ashý, damytý. Sonyń ishinde qazaq kórermenderine tańsyq bolyp keletin mıýzıkl janryna jan bitirý kerek. Óıtkeni, bizde jańa teatrlar bar, folklorlyq janrlar bar. Degenmen, Qazaqstanda mıýzıkl sekildi janr joq. Osy baǵytta qazir «Mıýzıkl Astana» ujymyn qurýdy qolǵa alýdamyz», - dedi mınıstr A. Muhamedıuly.