Mádenıet mınıstri Elbasyǵa jeke kórmesin ótkizýdi usyndy (FOTOREPORTAJ)
«Men atap ótkim kelgeni, Memleket basshysy kórkemsýretti jaqsy kóredi jáne óziniń de keremet qabileti bar. Menińshe, biz Elbasynyń endi jeke kórmesin ótkizýge ony ılandyra alatyn shyǵarmyz. Prezıdenttiń ol týyndylary asa qyzyqty ekendigin atap ótkim keledi», - dedi mınıstr Astanadaǵy «Nazarbaev ortalyǵynda» QR Tuńǵysh Prezıdentiniń kúnine oraı «El qoldaǵan Elbasy» atty kartınalar men fotosýretter kórmesi ashylýynda.
Bunyń aldynda habarlaǵanymyzdaı, «El qoldaǵan Elbasy» ekspozıtsııasynda QR Prezıdenti N.Nazarbaev tulǵasynyń san túrli qyrlaryn kórsetetin qyzyqty jáne tosyn fotosýretter: Elbasynyń oı-tolǵaý ústindegi, qazaqstandyq otbasylarmen, balalarmen, qala jáne aýyl eńbekkerlerimen kezdesken qýanyshty sátteri, sondaı-aq belgili sýretshilerdiń portrettik eńbekteri qoıylǵan. Kórme 7 jeltoqsanǵa deıin jalǵasady.
