Mádenıet mınıstri Abaı mereıtoıy týraly: Júıeli, mazmundy jobalarǵa basymdyq beriledi
«Mádenıet jáne sport mınıstri Aqtoty Raıymqulova Semeıge sapary barysynda Qaraýyl, Keńgirbaı bı aýyldaryna, «Jıdebaı-Bórili» memlekettik tarıhı-mádenı jáne ádebı- qoryq-mýzeıine soǵyp, tarıhı-mádenı nysandardy abattandyrý, ınfraqurylymdy retteý jáne qaıta jobalaý jumystarynyń júrgizilý barysymen tanysty. Aýyl aqsaqaldarymen, uly aqynnyń urpaqtarymen kezdesýde Abaıdyń 175 jyldyǵyn atap ótý jóninde áńgime boldy.
«Uly aqynnyń mereıtoıyn atap ótkende biz eń aldymen, bir kúndik sharalardan júıeli, mazmundy jáne uzaq merzimdi jobalarǵa basymdyq berip, ıdeologııalyq mindetterdi júzege asyrýǵa nazar aýdarmaqpyz», - dedi mınıstr.
Sondaı-aq, Mádenıet jáne sport mınıstri A.Raıymqulova qoǵam ókilderimen kezdesý ótkizip, Prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýy jaıly, onda kórsetilgen mindetterdi júzege asyrý jaıynda aıtyp berdi.
