Mádenıet qaıratkerlerine Shyńǵys Aıtmatov atyndaǵy halyqaralyq syılyq tabystaldy
ALMATY. KAZINFORM — Almatydaǵy Dostyq úıinde elimizdiń mádenıet jáne óner ókilderin marapattaýǵa arnalǵan is-shara ótti. Qazaqstandyq mádenıet qaıratkerlerine Shyńǵys Aıtmatov atyndaǵy halyqaralyq syılyqpen qatar Qyrǵyz Respýblıkasynyń Mádenıet, aqparat, sport jáne jastar saıasaty mınıstrliginiń Qurmet gramotalary tabystaldy.
Іs-sharaǵa eki eldiń memlekettik organdary men shyǵarmashylyq qaýym ókilderi qatysty.
Shyńǵys Aıtmatov atyndaǵy halyqaralyq syılyǵy birqatar belgili azamattarǵa berildi. Teatr men kınonyń damýyna qosqan eleýli úlesi úshin Qazaqstannyń halyq ártisteri Dosqan Joljaqsynov, Tuńǵyshbaı Jamanqulov jáne Nurjuman Yqtymbaev marapattaldy.
Syılyq ıegerleri qatarynda jazýshy Nurlan Qamı, TÚRKSOI Bas hatshysynyń keńesshisi Qaırat Muqanov jáne Jambyl atyndaǵy fılarmonııanyń dırektory Aqan Ábdýálıev bar. Qyrǵyz Respýblıkasynyń Qurmet gramotalary Almaty qalasynyń mádenıet salasyna eńbek sińirgen óner ıelerine jáne mekeme basshylaryna tabystaldy. Atap aıtsaq, Arafat Ysqaqovqa, Árıdash Ospanbaevaǵa, Álıhan Lepesbaev, Gúljamal Qazaqbaeva, Arman Júdebaev jáne Danııar Álıevke berildi.
Marapat ıeleriniń árqaısysy eldegi mýzyka, teatr jáne bilim berý salalarynyń damýyna yqpal etip keledi.
Aıta ketelik elordada «Daryn» memlekettik jastar syılyǵynyń laýreattary marapattalǵan edi.