Mádenıet qaıratkerleri jahandaný zamanynda ulttyq kodtyń shyraqshylary ispettes – depýtat

ASTANA. KAZINFORM – Májilis depýtaty, Áleýmettik-mádenı damý komıtetiniń múshesi Erlan Saıyrov zamanaýı mádenıet qaıratkeri qandaı bolýy kerek degen saýalǵa jaýap berdi.

- Mádenıet qaıratkerleri – ulttyń uıysýynyń, damýynyń etalony. Olar jahandaný zamanynda ulttyq kodtyń shyraqshylary dep aıtýǵa bolady, - dedi Erlan Saıyrov Prezıdent Joldaýyna qatysty.

Halyq qalaýlysy, álemdegi geosaıası jaǵdaı qubylyp turǵan zamanda mádenıet qaıratkerleri de qoǵamǵa úlesin qosý qajet dep sanaıdy.

- Mádenıet qaıratkerleriniń tsıfrlyq tehnologııalardy paıdalaný, mádenı týyndylardy zamanaýı tendentsııaǵa sáıkes jasaý mańyzdy, biraq, eń negizgisi ulttyq shańyraqtyń shyraqshysy, osy este bolý qajet, - dep qysqa qaıyrdy Májilis depýtaty.

Búgin Prezıdent Qazaqstan halqyna Joldaýy barysynda mádenıet qaıratkerleri jańa zamannyń talabyna beıimdelip jumys isteýi kerektigin aıtqan edi.

Osylaısha, Memleket basshysy jasandy ıntellekti dáýirindegi mádenıet pen ónerdiń damýynyń mańyzyna toqtaldy.