«Mádenı mura» júzege asqaly beri 40 arheologııalyq jáne 26 ǵylymı-qoldanbaly zertteýler júrgizildi - Mádenıet mınıstri
ASTANA. 6 maýsym. QazAqparat /Qanat Mámetqazyuly/ - «Mádenı mura» baǵdarlamasy júzege asqaly beri 40 arheologııalyq jáne 26 ǵylymı-qoldanbaly zertteýler júrgizildi.
Bul týraly búgin QR Parlamenti Májilisinde ótken Úkimet saǵatynda Mádenıet mınıstri Muhtar Qul-Muhammed osylaı málim etti.
«Mádenı mura» biregeı strategııalyq jobasy jeti jyl boıy tabysty júzege asyp keledi. 2004 jyly Memleket basshysynyń bastamasymen qabyldanǵan baǵdarlama tarıhı-mádenı murany engizýge qatysty orasan zor jumystardy atqarýǵa múmkindik berdi. Joba iske asyrylǵan jyldar ishinde 40 arheologııalyq jáne 26 ǵylymı-qoldanbaly zertteýler júrgizildi. Olardyń barlyǵy ǵylymǵa myńnan artyq artefaktiler berdi. Qytaı, Túrkııa, Mońǵolııa, Reseı, Japonııa, Egıpet, AQSh jáne Batys Eýropa elderine jasalǵan ǵylymı-izdestirý ekspedıtsııalarynyń nátıjesinde 5 myńnan astam tarıh, etnografııa men ónerge qatysty asa qundy muraǵat qujattary qaıtaryldy. Teginde, bul ult tarıhyndaǵy «aqtańdaqtardyń» ornyn toltyrý desem qatelespeımin», - dedi Mádenıet mınısıtri M. Qul-Muhammed. Onyń aıtýynsha, «Qazqaıtajańǵyrý» mekemesiniń kúshimen tarıh pen mádenıettegi asa mańyzdy 73 eskertkish qaıta qalpyna keltirilgen. Bul nysandardyń basym bóligi ulttyq brendke aınalǵan.
«Ótken jyly restavraratsııalyq jumystardyń nátıjesinde sheteldegi 2 nysanǵa, respýblıkamyzdyń 12 oblysynda ornalasqan 19 eskertkishke, Damaskidegi Áz-Zahır Beıbarys Sultan kesenesine qaıta qalpyna keltirý jumystary júrgizildi», - deıdi mınıstr.
