«Mádenı mura» jobasy aıasynda byltyr 26 tarıhı-mádenı nysandarǵa qaıta jańǵyrtý jumystary júrgizildi - M. Qul-Muhammed
qpannyń 24-i. QazAqparat /Ernur Aqanbaı/ - «Mádenı mura» baǵdarlamasy is-sharalar josparynyń negizinde 2009 jyly 26 tarıhı-mádenı nysandarǵa qaıta jańǵyrtý jumystary júrgizildi.
Bul týraly búgin Astanada ótken 2009-2011 jyldarǵa arnalǵan «Mádenı mura» Ulttyq strategııalyq jobasyn júzege asyrý jónindegi Qoǵamdyq keńestiń kezekti otyrysynda Mádenıet jáne aqparat mınıstri Muhtar Qul-Muhammed málim etti, dep habarlaıdy QazAqparat.
Onyń sózine qaraǵanda, qaıta jańǵyrtý jumystary júrgizilgen tarıhı-mádenı nysandardyń ishinde Qapshaǵaıdyń túbindegi Tamǵalytas petroglıfterinde, Aqtóbe oblysyndaǵy Qaraǵul, Qyzylorda oblysyndaǵy Aqanas, Ońtústik Qazaqstan oblysyndaǵy Qarashash Ana kesenelerinde qalpyna keltirý jumystary aıaqtaldy.
«Bul nysandardyń barlyǵy derlik Elbasynyń tapsyrmasy boıynsha qazirgi ýaqytta júzege asyrylyp jatqan «Batys Qytaı-Batys Eýropa» halyqaralyq kólik dáliziniń boıynda ornalasqan. Keleshekte osy kólik dáliziniń Qazaqstan aýmaǵyndaǵy ýchaskesiniń boılarynda kóptegen meıramhanalar men avtobeketter salynatyn bolady. Kelgen adamdar sol óńirdiń tarıhymen tanysqan kezde joǵarydaǵy kesenelerdi kórý múmkindigine ıe bolady», dedi mınıstr.
