«Mádenı mura» jobasy aıasynda 2009 jyly 49 oba men qalashyqtarǵa arheologııalyq zertteý jumystary júrgizildi

Búgin Astanada ótken 2009-2011 jyldarǵa arnalǵan «Mádenı mura» Ulttyq strategııalyq jobasyn júzege asyrý jónindegi Qoǵamdyq keńestiń kezekti otyrysynda bul týraly Mádenıet jáne aqparat mınıstri Muhtar Qul-Muhammed aıtty, dep habarlaıdy QazAqparat.

M. Qul-Muhammedtiń aıtýynsha, solardyń ishinde aldyńǵy jyldary bastalǵan arheologııalyq qazbalar Aqmola oblysyndaǵy Bozoq, Almaty oblysyndaǵy Esik, Qoılyq, Talǵar, Atyraý oblysyndaǵy Saraıshyq, Ońtústik Qazaqstan oblysyndaǵy Jýantóbe, Otyrar, Shyǵys Qazaqstan oblysyndaǵy Berel, Shilikti, Jambyl oblysyndaǵy Aqyrtas, Batys Qazaqstan obylysyndaǵy Qyryq oba, Qaraǵandy oblysyndaǵy Toqtaýyl, Aıbas, Kent, Taldysaı jáne taǵy da basqa qonystar men qalashyqtarda jalǵasyn tapty. «Mundaı arheologııalyq zertteýler bir jyldyń ishinde bitetin sharýa emes. Ol kezeń-kezeńimen júzege asyrylady. Arheologııalyq qazba jumystary adamnan tózimdilikti qajet etedi. Keıbir arheologtar búkil ǵumyryn bir qalany qazyp, zertteýge arnaıdy. Onyń ózin bitere almaı, shákirtterine tabystap ketip jatady. Sondyqtan bul máselege kelgende, nátıje nege joq dep aıtýǵa bolmaıdy. Bul ýaqytymen júzege asyrylatyn dúnıe», dedi mınıstr.