«Mádenı mura» ulttyq strategııalyq jobasy basty jáne mańyzdy qujat bolyp tabylady - Mádenıet mınıstri
ASTANA. Qańtardyń 25-i. QazAqparat /Rýslan Ǵabbasov/ - «Mádenı mura» memlekettik baǵdarlamasynyń ekinshi kezeńinde jınaqtalǵan mol murany el azamattarynyń ıgiligine aınaldyrý kózdelip otyr.
Bul týraly búgin Astanada ótken alqa májilisinde Mádenıet jáne aqparat mınıstri Muhtar Qul-Muhammed málim etti, dep habarlaıdy QazAqparat.
«Mádenıet salasynda Elbasynyń bastamasymen qolǵa alynǵan «Mádenı mura» ulttyq strategııalyq jobasy basty jáne mańyzdy qujat bolyp tabylady. Daǵdarysqa qaramastan, ol tolyq kólemde júzege asyrylyp, úlken qyzyǵýshylyq týdyrdy», dedi mınıstr.
M. Qul-Muhammed Elbasynyń tikeleı efır jelisi barysynda mınıstrlik qyzmetiniń salalaryna qatysty kelip túsken 1500 suraqtyń árbir besinshisi osy «Mádenı muraǵa» baılanysty ekenin aıta kele, «Munyń barlyǵy halyqtyń atynan úlken qyzyǵýshylyq týdyryp otyrǵan baǵdarlama ekenin dáleldese kerek. Biz baǵdarlamanyń 2009 jyly ekinshi kezeńin júzege asyrýǵa kiristik», dedi mınıstr.
Onyń aıtýynsha, baǵdarlamanyń birinshi kezeńinde «Mádenı murany» jınaqtaý, júıeleý júzege asyrylsa, ekinshi kezeńinde sol mol murany eldiń ıgiligine, ıaǵnı, ata tarıhyna qyzyǵýshylyq tanytqan árbir Qazaqstan azamatynyń ıgiligine aınaldyrý kózdelip otyr. «Sondyqtan bul kezeńniń mańyzdylyǵy biz úshin erekshe bolmaq», dedi M. Qul-Muhammed.
