«Mádenı mura» aıasynda el tarıhy, arheologııasy men etnografııasy boıynsha 30-dan astam aýqymdy zertteý jumystary atqaryldy
ASTANA. 12 jeltoqsan. QazAqparat /Aıdar Ospanalıev/ - Mádenı mura» baǵdarlamasyn nasıhattaýdyń nátıjesinde birinshi ret Qazaqstan tarıhynda elimizdiń terrıtorııasynda ornalasqan 2 mádenı eskertkish -
Qoja Ahmet ıAssaýıdiń mavzoleıi men «Tańbaly tas» petroglıfter kesheni ıÝNESKO-nyń búkilálemdik mádenı murasynyń tizimine kirdi. Bul týraly búgin «Mádenı mura» baǵdarlamasyn iske asyrý jónindegi qoǵamdyq keńestiń keńeıtilgen qorytyndy otyrysynda Mádenıet mınıstri Muhtar Qul-Muhammed málim etti.
Onyń málimetterinshe, «Mádenı mura» baǵdarlamasynyń aıasynda Qazaqstannyń tarıhy, arheoloııasy men etnografııasy boıynsha, ulttyq mádenıet úshin aıryqsha mańyzǵa ıe 30-dan astam biregeı zertteý baǵytynda úlken jumystar atqaryldy. «Buǵan qosa Sháken Aımanov atyndaǵy «Qazaqfılm» kınostýdııasy osy tarıhı-mádenı eskertkishterdiń saqtalýy, qalpyna keltirilýi jáne búgingi kúnge jetýi jóninde 30-dan astam fılm túsire bastap, onyń 20-sy jaryq kórdi»,-dedi mınıstr.
