«Mádenı Azıada» aıasynda kóshpendiler álemi tanystyrylady
ASTANA. 28 qańtar. QazAqparat /Arman Asqarov/ - Erteń, qańtardyń 29-y kúni Astanadaǵy «Kórme» kesheninde «Mádenı Azıada» jobasy aıasynda «Kóshpendiler álemi» landshaftyq shoý uıymdastyrylady.
Stsenarıst Gúlnar Salyqbaıdyń habarlaýynsha, osy is-shara ótetin 7 kún boıy túrki halyqtarynyń áýeni saltanat quryp, qazaqtyń ulttyq sport oıyndary men salt-dástúrleriniń kórmesi uıymdastyrylatyn bolady. «Kelgen qonaqtar kórmeni aralap qana qoımaı, halqymyzdyń ádet-ǵuryp, salt-dástúrimen etene tanysa alady. Ol úshin arnaıy adamdar qyzmet etpek», - deıdi G.Salyqbaı.
Sondaı-aq aldaǵy ýaqytta «Mádenı Azıada» aıasynda «Qazaqstannyń jarqyn bolashaǵy» atty klassıkalyq mýzyka kontserti, balalar sýretteri men esseler baıqaýynyń qorytyndysy, «Saryarqa» ulttyq ansambliniń kontserti, Astana qalasy orkestrleriniń gala-kontserti jáne taǵy basqa mádenı-qoǵamdyq sharalar ótedi.
