«Mádenı Azıada» aýqymynda Astana qalasy Memlekettik fılarmonııasynyń gala-kontserti bolyp ótti
ASTANA. 6 aqpan. QazAqparat - Elordada «Mádenı Azıada» jobasynyń aýqymynda «Qazaqstan» ortalyq kontsert zalynda Astana qalasy Memlekettik fılarmonııasynyń «Ǵasyrlar úni» gala-kontserti bolyp ótti.
Eske sala ketsek, «Mádenı Azıada» aýqymynda bir apta ishinde elordada ulttyq mádenıetten kórinis beretin birqatar is-sharalar bolyp ótti.
Senbi kúni keshke ótkizilgen orkestrlerdiń gala-kontserti Astana qalasyndaǵy «Mádenı Azıada» jobasyn qorytyndylady.
Kórermender - elordanyń turǵyndary men qonaqtaryna, Qazaqstannyń eńbek sińirgen mádenıet qaıratkerleri men sportshylaryna basynda ulttyq aspaptarda jeke baǵdarlamalar usynylyp, odan keıin sımfonııalyq orkestrdiń súıemeldeýimen barlyq súıip tyńdaıtyn shyǵarmalar oryndaldy.
Ózderiniń kontserttik baǵdarlamalarymen sahnada qazaq halyq aspaptarynyń orkestri, úrlemeli, sımfonııalyq orkestrler, «Astana» estradalyq-sımfonııalyq orkestri, «Saryarqa» folklorlyq ansambli, «Ánshiler akademııasy» kameralyq orkestri, Ǵ.Jubanov atyndaǵy memlekettik ishekti aspaptar kvarteti, «Tilep» qobyzshylar kvarteti óz ónerlerin kórsetti.
