Made in Kazakhstan brendine bıýdjetten qarjy bólingen joq – Arman Shaqqalıev
ASTANA. KAZINFORM – Qazaqstandyq ónimderdiń biryńǵaı brendin qalyptastyrýǵa bıýdjetten qarjy qarastyrylmaǵan. Bul týraly Úkimettegi brıfıng barysynda QR Saýda jáne ıntegratsııa mınıstri Arman Shaqqalıev málim etti.
Mınıstrdiń aıtýynsha, brendti damytý jumystary mınıstrliktiń aǵymdaǵy mindetteri aıasynda júzege asyrylyp keledi.
– Men sizderge aıtaıyn, bir tıyn da bólingen joq. Memleket basshysy aıtqandaı, biz bul jerde óz sheberligimizdi kórsetip otyrmyz. Mınıstrlikke ilgeriletý úshin bir tıyn da bólinbedi. Onyń ústine, biz barlyq ekojúıeni ózimizdiń aǵymdaǵy mindetterimiz aıasynda óz qolymyzben jasadyq, – dedi Arman Shaqqalıev.
Sonymen qatar spıker Made in Kazakhstan belgisin paıdalaný aqyly bolýy kerek degen usynystar bolǵanyn da aıtty.
– Talaptar, ekojúıe, standarttardy qalyptastyrýǵa qatysty, tipti Made in Kazakhstan belgisiniń ózine baılanysty ony jekeshelendirip alǵysy kelgender boldy. ıAǵnı biz ony ázirledik, endi ony paıdalaný úshin aqy tóleý kerek degen usynystar aıtyldy. Biraq biz oǵan jol bermedik, – dedi mınıstr.
Onyń aıtýynsha, memlekettiń mindeti Made in Kazakhstan belgisin jeńildik nemese sýbsıdııa alý quraly emes, sapanyń sımvoly retinde qalyptastyrý.
– Made in Kazakhstan Swiss Made, Made in Germany nemese Made in China sııaqty qabyldanýy tıis. Biz osy baǵytta kele jatyrmyz. Múmkin, bul birden júzege aspaıtyn shyǵar, biraq qoıylǵan mindetterdi naqty túsinip otyrmyz, – dedi Arman Shaqqalıev.
Aıta keteıik, ulttyq taýarlar katalogyna 30 mln jýyq jazba engizildi.
