Madagaskarda 65 adam «Irına» tropıkalyq tsıklonynyń qurbany boldy
ASTANA. 7 naýryz. QazAqparat - Madagaskarda 65 adam qýatty «Irına» tropıkalyq daýylynyń qurbany boldy. Bul týraly eldiń Ulttyq tótenshe jaǵdaılar basqarmasy málimdedi, dep habarlady ITAR-TASS.
Apat saldarynan ásirese Madagaskardyń shyǵys jaǵalaýy eleýli zardap shekti. Munda saǵatyna 200 shaqyrymǵa jetken daýyldy jeldiń ekpini úılerdi qıratyp, aǵashtardy qulatty. Araldyń 70 myńnan astam turǵyny úılerin tastap shyqty, birneshe adam habar-osharsyz ketti.
Munda qazan aıynan naýryzǵa deıin jalǵasatyn jańbyr maýsymy Madagaskarda birneshe ondaǵan tsıklondardy týyndatady. Aqpan aıynyń ishinde ǵana «Djovanna» daýylynyń saldarynan 30-dan astam adam qurban boldy. Sońǵy jyldardaǵy eń kúshti 2008 jylǵy «Ivan» daýyly júzden astam aral turǵyndarynyń ómirin qıyp ketti, júzdegen myń adam zardap shekti.
