Madagaskar prezıdenti úkimetti taratý týraly sheshimin jarııalady

ASTANA. KAZINFORM — Madagaskar prezıdenti Andrı Radzýelına dúısenbi kúni úkimetti taratý týraly sheshimin jarııalap, jańa premer-mınıstrdi úsh kún ishinde taǵaıyndaıtynyn málimdedi. Bul týraly Sınhýa jazdy.

— Men premer-mınıstr men úkimet músheleriniń ókilettikterin toqtatý týraly sheshim qabyldadym, — dedi ol teledıdar arqyly jasaǵan úndeýinde.

Mundaı málimdemege Antananarıvý men basqa da iri qalalardaǵy birneshe kúndik narazylyqtar sebep boldy.

Bul narazylyqtarǵa jıi bolyp turatyn elektr jaryǵynyń sónýi men sý tapshylyǵy sebep bolǵan.

Keıbir narazylyqtar kezinde tártipsizdik pen tonaý faktileri tirkelip, olardyń saldary el ekonomıkasyna eleýli zalal keltirdi.

Budan buryn Frantsııa bir ǵasyr buryn óltirilgen koroldiń bas súıegin Madagaskarǵa qaıtarǵanyn jazǵanbyz.