Madagaskar mınıstri tikushaq apatynan keıin jaǵalaýǵa 12 saǵat boıy júzip jetken
NUR-SULTAN. QazAqparat – Madagaskar polıtsııa mınıstri tikushaq apatqa ushyrap, teńizge qulaǵannan keıin jaǵalaýǵa deıin 12 saǵat boıy júzip jetken, dep habarlaıdy QazAqparat VVS-ge silteme jasap.
Onymen birge qaýipsizdik qyzmetiniń taǵy bir sheneýnigi aman qalǵan.
Teńiz agenttiginiń málimetinshe, kemeniń apatqa ushyraýy saldarynan mert bolǵandar sany 64-ke jetken. Kem degende 20 adam iz-túzsiz joǵalǵandar tiziminde.
57 jastaǵy Gelle jel ekpini saldarynan tikushaqtyń qulaǵanyn, Mahamboǵa deıin dúısenbi kúni saǵat 19:30-dan seısenbi kúni 7:30-ǵa deıin júzip jetkenin aıtty. Onyń sózine qaraǵanda, eshqandaı jaraqat almaǵan, biraq qatty tońǵan.
Polıtsııa bastyǵy Zafısambatra Ravoavı Frans press agenttigine Gelleniń júzý quraly retinde tikushaq oryndyqtarynyń birin paıdalanǵanyn aıtyp berdi.
Serj Gelle mınıstr bolyp taǵaıyndalǵanǵa deıin polıtsııada 30 jyl qyzmet etken.
