Madagaskar aralynda oıran salǵan «Enavo» daýylynan 3 adam opat boldy
ASTANA. QazAqparat - Úndi muhıtyndaǵy Madagaskar aralynda «Enavo» daýyly oıran saldy. Tabıǵattyń tosyn áreketinen 3 adam opat boldy. Jel saǵatyna 300 shaqyrym jyldamdyqpen soqqan, dep jazady «Habar 24».
Tropıkalyq tsıklonnan Antalaha qalasy qatty zardap shekti. Munda aǵashtar túp-tamyrymen qosa qoparylyp, elektr baǵandary qulaǵan. Osynyń saldarynan turǵyndar jaryqsyz qaldy. Daýylmen birge kelgen nóserdiń kesirinen araldyń soltústik-batysynda laı kóshkini júrdi. Qazir jergilikti bılik tabıǵı apattan kelgen shyǵyn kólemin esepteýge kirisken.
