Macquarie Qazaqstan ınfraqurylymdaryna ınvestıtsııa salý múmkindigin qarastyrýda
ASTANA. 12 qyrkúıek. QazAqparat - Avstralııanyń Macquarie qory Qazaqstannyń ınfraqurylymdyq jobalaryna ınvestıtsııa salý múmkindigin qarastyrýda, dep habarlaıdy Halyqtyq IPO baǵdarlamanyń resmı saıty.
QR Indýstrııa jáne jańa tehnologııalar mınıstri Áset Isekeshev pen Macquarie Russia&CIS Infrastructure Fund (MRIF) qorynyń basshysy Aron Rýbın beısenbi, 12 qyrkúıekte, Astanadaǵy kezdesýleri barysynda taıaý ýaqytta qazaqstandyq kompanııalardyń jobalaryn egjeı-tegjeıli qaraýǵa kelisti, dep habarlaıdy mınıstrliktiń baspasóz qyzmetinen.
Macquarie energetıka, kólik, temirjol, aılaqtar men áýejaılar salasyndaǵy, turǵyn-úı kommýnaldyq jáne telekommýnıkatsııalar sektoryndaǵy jobalarǵa qyzyǵýshylyq bildirýde.
Macquarie-niń basqarýynda jalpy kapıtaly - 101 mlrd dollar bolatyn 46 qor bar, ol álemdegi ınfraqurylymdyq jobalarǵa ınvestıtsııa salyp otyrǵan iri qor bolyp tabylady. MRIF - Qazaqstan men Reseı diń ınfraqurylymdyq nysandaryna kapıtaly 630 mln dollar ınvestıtsııa salýǵa baǵdarlanǵan alǵashqy jeke iri qor.
