«Maastrıht plıýs» qujatyn ázirleý jónindegi Prezıdent N. Nazarbaevtyń bastamasyn EQYU basshylyǵy qoldady
ASTANA. Shildeniń 1-i. QazAqparat /Rýslan Ǵabbasov/ - «Maastrıht plıýs» qujatyn ázirleý jónindegi Prezıdent Nursultan Nazarbaevtyń bastamasyn EQYU basshylyǵy qoldady. Bul týraly búgin jýrnalısterge ІІІ Astana ekonomıkalyq forýmy barysynda EQYU-niń ekonomıkalyq jáne ekologııalyq baǵdarlamalarynyń úılestirýshisi Goran Svılanovıch málim etti.
«Maastrıht plıýs» qujatyn ázirleý EQYU-nyń ekonomıkalyq -ekologııalyq barsha ólshemderine jańa serpin beredi. Erteńgi sóıleıtin sózimde men osy máseleni taǵy bir aıqyndap ótemin. Aıtap aıtqanda, búgin EQYU-nyń bas hatshysy N. Nazarbaevtyń bastamasyn qoldady. Meniń oıymsha, mundaı qujatty jyl sońyna deıin ázirleıtin bolamyz. Osy oraıda ol atalǵan másele boıynsha EQYU-ǵa (Reseı, AQSh, Eýropa Odaǵy) múshe birqatar bedeldi eldermen aldyn ala kelissózder júrgizgenin jetkizdi.
Aıta keteıik, búgingi forýmnyń ashylýy barysynda N. Nazarbaev «Maastrıht plıýs» dep atalatyn qujatta ortańǵy jáne alys perspektıvaǵa arnalǵan ekonomıkalyq ólshemder boıynsha jol silteıtin máseleler qaralýy kerektigin aıtqan bolatyn.
