ІІM jolda júrý erejesin mektepterge jeke mindetti pán etip engizýdi usynyp otyr

ASTANA. KAZINFORM — Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaev jolda júrý erejesin mektepterge jeke mindetti pán etip engizýdi usyndy.

— Jolda balalardyń apatqa jıi ushyraıtynyn, kámeletke tolmaǵandardy jolda qaýipsiz júris-turys daǵdylaryna úıretýge baǵyttalǵan pánderdi oqytýdyń qazaqstandyq tájirıbesin basqa eldermen salystyryp kórdik. Bilim berý protsesinde jol erejelerin oqytý kýrstaryn qoldaný tásilderiniń aıtarlyqtaı aıyrmashylyǵy týraly qorytyndy jasaýǵa múmkindik beredi. Atap aıtqanda, bul Qazaqstan Respýblıkasynyń mektepterinde jol erejelerin oqytýǵa bólingen bolmashy saǵattardyń sanyna qatysty. Osyǵan baılanysty, Іshki ister mınıstrligi mektep baǵdarlamalarynda jol erejeleri boıynsha sabaqtardy jeke mindetti pán retinde engizýdi usynady. Óıtkeni onyń artynda balalardyń ómiri tur, — dedi komıtet basshysy.

Qaısar Sultanbaev mundaı sabaqtar arqyly joldarda balalardyń boıyna zańǵa baǵynatyn minez-qulyq normalaryn sińirýge bolatynyn aıtady.

Eske salsaq, Aqtóbede bir kún ishinde jol erejesin 12 ret buzǵan júrgizýshi ustalǵan bolatyn.