ІІM jol apatyna jıi ákeletin jaıttardy atady

ASTANA. KAZINFORM — Іshki ister mınıstrligi adamdardyń jol apatyna ushyraýynyń negizderi sebepterin atap kórsetti.

— Jol apattarynyń negizgi sebepteri ózgerissiz qalyp otyr, ol jyldamdyqty arttyrý, qarsy jolaqqa shyǵyp ketý, mas kúıinde kólik júrgizý jáne jaıaý júrginshilerdiń joldy tótesinen kesip ótýi. Tek jyldamdyq rejımin buzý saldarynan 406 adam, qarsy jolaqqa shyǵý sebebinen 400 adam, al joldy ruqsat etilmegen jerden ótken 67 adam qaza tapty, — dedi Іshki ister mınıstrligi Ákimshilik polıtsııa komıteti tóraǵasynyń orynbasary Ǵalym Sarǵulov ortalyq kommýnıkatsııalar qyzmeti alańynda ótken baspasóz máslıhatynda.

ІІM ókiliniń aıtýynsha, jol apatyna ákeletin taǵy bir mańyzdy sebep — kólik tártibiniń tómen deńgeıi.

— Jyl basynan beri polıtsııa 12 mıllıonnan astam jol qozǵalysy erejesin buzý jaıtyn anyqtady. 21 myńnan astam mas júrgizýshi ustaldy. 25 myńnan astam adam kólik júrgizý quqyǵynan aıyryldy. 21 myń adam qamaýǵa alyndy jáne 401 myńnan astam joldy tótesinen kesip ótken jaıaý júrginshige aıyppul salyndy, — dep tolyqtyrdy spıker. 

Aıta keteıik, elimizde jol apatynan zardap shekken jandarǵa ótemaqy kólemi artýy múmkin.