Məjilis valıýtalyq retteý týraly zań jobasyn talqylaıdy
ASTANA. QazAqparat - Búgin Palata spıkeri Nurlan Nyǵmatýlınniń jetekshilik etýimen Bıýro otyrysy ótti. Onda jalpy otyrystyń kún tártibiniń jobasyna «Valıýtalyq retteý jáne valıýtalyq baqylaý týraly» zań jobasyn ilespe túzetýlerimen birinshi oqylymda engizý qarastyryldy, dep habarlady QR Parlamenti Májilisiniń baspasóz qyzmeti,
Qujat Qazaqstannyń valıýtalyq zańnamasyn álemdik tájirıbeni eskere otyryp ıntegratsııalyq protsesterdi damytýǵa beıimdeýge negizdelgen.
Sondaı-aq, Prezıdenttiń bes áleýmettik bastamasyn júzege asyrýǵa baǵyttalǵan «2018-2020 jyldarǵa arnalǵan respýblıkalyq bıýdjet týraly» zań jobasyn jumysqa alý kózdelgen.
Sonymen qatar, Eýrazııalyq ekonomıkalyq qoǵamdastyqqa múshe bir memlekettiń azamattary osy qoǵamdastyqqa múshe ekinshi memlekettiń aýmaǵynda eńbek qyzmetin júzege asyrý kezinde ushyraǵan óndiristegi jazataıym oqıǵalardy tergep-tekserý tártibi týraly jáne Qazaqstan men Iordan Hashımıt Koroldiginiń Úkimetteri arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimderdi ratıfıkatsııalaý týraly zań jobalary boıynsha beıindi komıtetterge qorytyndy ázirleý merzimderi belgilenbek.
