Məjilis óz úndeýin halyqaralyq saıası jəne ekonomıkalyq jaǵdaımen baılanystyryp otyr - professor
ASTANA. QazAqparat - Búgin ózin taratyp, merziminen buryn parlamenttik saılaý ótkizý týraly Prezıdent pen Qazaqstan halqyna úndeý joldaǵan Parlament Məjilisi óz sheshimin halyqaralyq saıası jəne ekonomıkalyq jaǵdaımen baılanystyryp otyr, dedi L.Gýmılev atyndaǵy Eýrazııa ulttyq ýnıversıtetiniń professory, zań ǵylymdarynyń doktory Qýanysh Baltabaev.
«Májilis depýtattary búgin Prezıdentke merziminen buryn saılaý ótkizý týraly usynys jasaý arqyly sanaly sheshim qabyldady. Olar óz málimdemesinde búgingi halyqaralyq saıası jáne ekonomıkalyq jaǵdaı Qazaqstanǵa tizgindi bos jiberýge múmkindik bermeı otyrǵanyn, bıliktiń úsh býynyn jumyldyrý qajettigin atap ótti. Májilistiń jańa quramyn jasaqtap, elimizdiń daǵdarysqa qarsy is-josparyn júzege asyrýǵa kirisý kerek»-deıdi Q.Baltabaev.
Onyń aıtýynsha, osy úndeý qoldaý tapsa, aldaǵy Məjilis saılaýyna saıası partııalar qatysyp, belsendiligi artady.
«Májilis depýtattary qazir tez arada Májilisti saılaý kerek, sosyn alda turǵan mańyzdy mindetterdi iske asyrýǵa kirisý qajet. Depýtattardyń bul sheshimi durys dep oılaımyn»,-deıdi professor.
