Məjilis depýtattary aýyl turǵyndarymen kezdesti
ASTANA. QazAqparat - Məjilis depýtattary saparlary barysynda Túrkistan oblysyndaǵy ónerkásiptik jáne aýylsharýashylyq oryndarǵa baryp, Aqtóbe oblysyndaǵy aýyl turǵyndarymen kezdesti. Bul týraly QazAqparat Májilistiń baspasóz qyzmetine silteme jasap habarlaıdy.
Atap aıtqanda, Májilistiń Ekologııa máseleleri jáne tabıǵat paıdalaný komıtetiniń tóraǵasy Gleb Şegelskıı men Májilis depýtattary Quralaı Qaraken, Sergeı Sımonov, Mıhaıl Chırkov, Danııa Espaeva Aqtóbe oblysy, Martók aýdanynaqarasty Rodnıkovka aýylynyń turǵyndarymen kezdesti.
Okrýgte 1385 adam turady, onyń jartysy ekonomıkalyq belsendi.
Depýtattarmen kezdesýde turǵyndar birqatar problemalyq máselelerdi kóterdi. Solardyń biri - sýdyń jetispeýshiligi. Aýyldyq okrýg ortalyqtandyrylǵan sýmen jáne gazben qamtamasyz etilgenine qaramastan, bul másele jergilikti turǵyndar úshin ózekti.
Aýdan ákimshiliginiń ókilderi kezdesý barysynda jobalyq-smetalyq qujattamany ázirleýge 9 mln. teńge bólingenin aıtyp, jyl sońyna deıin bıýdjettik ótinim berilip, qarajat bólingen kezde sheshiletinin jetkizdi. Budan basqa, ákimdik ókilderiniń aıtýynsha, bıyl Rodnıkovkada «Aımaqtardy damytý» baǵdarlamasy boıynsha 1,4 mln. teńgege kósheler jaryqtandyrylatyn bolady.
Kezdesý barysynda zeınetaqymen qamtamasyz etý, tómen jalaqy, sondaı-aq dárilik zattarmen qamtamasyz etý máseleleri de kóterildi.
Óz kezeginde, depýtat G. Şegelskıı aımaqtarǵa sapar aıasynda depýtattyq toptyń Batys Qazaqstan men Aqtóbe oblysynda barǵanyn, onda Elbastyń bes áleýmettik bastamasy qalaı júzege asyrylǵanyn aıtyp, turǵylyqty halyqtyń muń-muqtajyn tyńdap, olardyń keıbiri bir-birlep oń sheshimin taýyp jatqanyna nazar aýdardy.
Májilistiń Agrarlyq máseleler komıtetiniń tóraǵasy Saparhan Omarov pen Májilis depýtaty Fahrıddın Qarataev osy kúnderi Túrkistan oblysyndaǵy óndiris oryndarǵa baryp, sharýa qojalyqtarynda eńbek ujymdarymen kezdesýler ótkizdi.
S. Omarov Kentaý qalasyndaǵy ındýstrııaldyq aımaqta ornalasqan «ıÝg-Elektroprıvod» JShS tynys-tirshiligimen tanysty.
Eńbek ujymymen kezdesý barysynda komıtet tóraǵasy Prezıdenttiń bes áleýmettik bastamasyn, sondaı-aq, memlekettik baǵdarlamalardy júzege asyrýǵa yqpal etetin zańnamalyq normalar týraly áńgimeledi.
Túrkistan oblysyndaǵy is-sapary barysynda depýtat Fahrıddın Qarataev Túlkibas aýdanynda bolyp, «Kóktal» sharýa qojalyǵynyń jumysymen tanysty.
«Kóktal» sharýa qojalyǵy 2004 jyly qurylǵan. Búgingi tańda jemis-jıdek ósirýmen jáne saqtaýmen aınalysyp, 30 adamdy turaqty jumyspen qamtyp otyr, al maýsymdyq kezeńde 220 adamdy jumyspen qamtıdy.
