ІІM: Jyl basynan beri zańsyz aınalymnan 11 tonnadan asa esirtki alyndy
ASTANA. KAZINFORM — QR Іshki ister mınıstrligi «Zań jáne tártip» qaǵıdatyn qamtamasyz etý maqsatynda «Qarasora — 2025» jedel aldyn alý is-sharasyn jalǵastyryp jatyr, dep habarlaıdy Polisia.kz saıty.

Bul shara esirtki aınalymyna, sonyń ishinde quramynda esirtki bar ósimdikterdi egý men ósirýge qarsy baǵyttalǵan.
Jambyl oblysynda 40 jastaǵy jergilikti turǵyn ustaldy. Onyń aýlasynan kannabıs ósimdikteri tabyldy. Úıin tekserý kezinde keptirilgen jáne keptirilmegen marıhýananyń 144 túbi alyndy. Jalpy salmaǵy — 240 keli. Barlyq tárkilengen esirtkiniń salmaǵy 239 keli boldy.
Sonymen qatar Ulytaý oblysynda taǵy bir azamat qolǵa tústi. Odan marıhýana men gashısh alyndy. Jalpy salmaǵy 20 keliden asty.
Qaraǵandy qalasynda ońtústik óńirlerden jetkiziletin esirtki arnasy toqtatyldy. Temirjol vokzaly mańynda 75 jastaǵy er adam ustaldy. Odan gashısh pen marıhýana tabyldy. Jalpy salmaǵy shamamen 10 kelini quraıdy. Kóligin tekserý kezinde júksalǵyshynan taǵy eki brıket marıhýana shyqty. Anyqtalǵandaı, salmaǵy 20 keli shamasynda boldy.
— Bıyl ІІM 4 655 esirtki qylmysyn áshkereledi. Zańsyz aınalymnan 11 tonnadan astam esirtki alyndy. Onyń ishinde 1 tonnadan astamy sıntetıkalyq zattar bar. Sıntetıkalyq esirtki jasaıtyn 11 zerthana joıyldy. 24 tonna hımııalyq zat tárkilendi. Onyń 6 tonnadan astamy — prekýrsorlar. Esirtki jarnamasyna qatysty 105 qylmystyq is qozǵaldy. Esirtki men psıhotroptyq zattardy nasıhattaǵan 20 myńǵa jýyq ınternet-resýrs buǵattaldy, — dedi QR ІІM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.
Buǵan deıin elordada polıtseıler esirtki saqtady degen kúdikpen eki er adamdy ustaǵanyn jazǵan edik.