ІІM: Jyl basynan beri elimizde 466 keli sıntetıkalyq esirtki tárkilendi
ASTANA. KAZINFORM — Úkimettegi otyrysta Іshki ister mınıstri Erjan Sádenov esirtkini zańsyz óndirýge qarsy kúres nátıjeleri týraly da aıtty. Bul týraly vedomastvonyń baspasóz qyzmeti málim etti.
Jyl basynan beri zańsyz aınalymnan 466 keli sıntetıkalyq esirtki tárkilendi. Bul ótken jyldyń sáıkes kezeńimen salystyrǵanda eki ese kóp.
— Esirtki óndirisi barǵan saıyn aýyldyq jerlerge aýysýda. Joıylǵan on esirtki zerthanasynyń jeteýi aýyldyq eldi mekenderde ornalasqan. Sonymen qatar zańdy taýar retinde kórsetilip, elge kontrabandalyq jolmen ákelinetin prekýrsorlardy jetkizý arnalarynyń joly kesilýde. Jalpy kólemi 11 tonnadan astam prekýrsor tárkilendi. Olardyń kómegimen shamamen 1,5 tonna sıntetıkalyq esirtki óndirýge bolar edi, — dedi mınıstr.
Eske sala keteıik, esirtkige qarsy kúres boıynsha Úkimet jańa sharalardy qolǵa alǵanyn jazdyq.
