ІІM jasóspirimderge áleýmettik jelidegi qaýipsizdik erejelerin eske saldy
ASTANA. KAZINFORM — Іshki ister mınıstrligi jasóspirimderge ınternet keńistiginde jeke qaýipsizdikke mán berý keregin eskertti.
Vedomstvonyń málimetinshe, áleýmettik jeliler qarym-qatynas jasaýǵa, bilim alýǵa jáne ómirdegi sáttermen bólisýge múmkindik bergenimen, jeke málimetterdiń ashyq jarııalanýy qaýip týdyrýy múmkin.
ІІM negizgi qaýipsizdik erejelerin atady:
-
mekenjaı, telefon nómiri, mektep ataýy, sabaq kestesi jáne ornalasqan jerdi anyqtaýǵa múmkindik beretin basqa da jeke aqparattardy jarııalamaý;
-
geolokatsııa kórsetilgen foto men storısterdi naqty ýaqyt rejıminde salmaý, olardy sol jerden ketkennen keıin jarııalaý;
-
dostar qataryna tek jeke tanıtyn adamdardy qosý;
-
paraqshadaǵy qupııalyq baptaýlaryn rettep, jarııalanymdardy tek senimdi adamdar kóre alatyndaı etý;
-
beıtanys adamdarǵa jeke fotolardy, qujattardy jáne qupııa aqparattardy jibermeý;
-
kúmándi adamdarmen baılanysty birden toqtatý jáne olardyń akkaýnttaryn buǵattaý.
Mınıstrlik ókilderi beıtanys adam shamadan tys qyzyǵýshylyq tanytyp, jeke málimetterdi surasa, qaıda júrgenin biletinin aıtsa nemese qorqytýǵa tyryssa, bul týraly ata-anaǵa, zańdy ókilge nemese senimdi eresek adamǵa mindetti túrde habarlaý qajet ekenin aıtty.
— Sizdiń qaýipsizdigińiz jazylýshylar sany men laıktardan áldeqaıda mańyzdy. Tsıfrlyq ortadaǵy qarapaıym erejelerdi saqtaý jeke derekterdi qorǵaýǵa jáne yqtımal qaýipterdiń aldyn alýǵa kómektesedi, — dep eske saldy ІІM.
Eske salaıyq, buǵan deıin Frantsııada 15 jasqa deıingi balalarǵa áleýmettik jelini paıdalanýǵa tyıym salynǵanyn jazǵanbyz.
