Jambyl oblysynda mal urlyǵymen aınalysqan eki top ustaldy
ASTANA.KAZINFORM - Іshki ister mınıstrligi mal urlyǵyna qatysty qylmystardy anyqtaý jáne olardyń jolyn kesý jumystaryn jalǵastyryp jatyr, - dep habarlaıdy Polisia.kz.
Sáýir aıynyń ekinshi onkúndiginde Jambyl oblysy Sarysý aýdanynda jylqylardy urlaýmen aınalysqan eki qylmystyq top ustaldy.
Tergeý barysynda qaskóılerdiń dalada qaraýsyz jaıylyp júrgen maldy aldyn ala baqylap, túngi ýaqytta Gazel kóligimen kelip, maldy tıep alyp, kórshiles aýdandarǵa aparyp, jergilikti turǵyndarǵa satqandyǵy anyqtaldy.
- Qazirgi tańda polıtsııa atalǵan top músheleriniń jalpy quny 15 mıllıon teńgeden asatyn 39 jylqyny urlaǵanyn dáleldedi. Barlyq kúdikti qamaýǵa alyndy. Eske salamyz, mal urlyǵyn jasaǵany úshin zańnamada múlki tárkilenip, 12 jylǵa deıin bas bostandyǵynan aıyrý jazasy kózdelgen. Mal ıelerine óz maldaryn mindetti túrde sáıkestendirip, qaraýsyz qaldyrmaý usynylady, - dedi ІІM baspasóz hatshysy Shuǵyla Turlybek.
Aıta keteıik, Jetisýda mal urlaǵandar kóliginen aıyrylyp jatyr.
