M.Jákishevtiń densaýlyq jaǵdaıy ony tergeý oqshaýlaǵyshynda ustaýǵa tolyq múmkindik beredi - Bas prokýratýra
ASTANA. Qazannyń 29-y. QazAqparat /Aıdar Ospanalıev/ - Bas prokýratýraǵa «Qazatomónerkásip» ulttyq kompanııasynyń burynǵy basshysy Muhtar Jákishevtiń densaýlyq jaǵdaıyna baılanysty ony arnaıy emdeý ornyna jatqyzý jóninde M.Jákishev pen onyń ókilderinen birneshe usynys túsken.
Al oǵan qatysty naqty sheshimdi M.Jákishevtiń isin qarap jatqan tergeýshi shyǵaratyndyqtan Bas prokýratýraǵa túsken usynystardyń barlyǵy jedel-tergeý tobyna joldandy. Bul týraly búgin jýrnalıstermen bolǵan brıfıngte Bas prokýratýranyń resmı ókili Nurdáýlet Súıindikov málim etti, dep habarlaıdy QazAqparat.
Onyń aıtýynsha, M.Jákishevten túsken usynystardyń barlyǵy tolyqtaı tekserilip, qajetti oryndarǵa tirkelgen. «Prokýratýra basshylyǵy usynystardy zań tártibi boıynsha quzyrly organdarǵa joldap otyr. Bul máselege qatysty málimetterdi men ázirge jarııa ete almaımyn. Degenmen mynandaı derektermen habardar ete alamyn. M.Jákishevtiń densaýlyq jaǵdaıy sot-medıtsınalyq saraptaý jumystarynyń nátıjeleri jáne onyń densaýlyq jaǵdaıyn qadaǵalaıtyn dárigerlerdiń málimetteri boıynsha ázirge jaqsy. ıAǵnı ony tergeý oqshaýlyǵyshynda ustaýǵa bolady», dedi resmı ókil.
Qazir M.Jákishevke qajetti medıtsınalyq kómek kórsetilýde. «Al ony emdeý oryndaryna jatqyzý qajet bolsa, nemese densaýlyǵynan kinarat tabylatyn bolsa, másele ońdy sheshimin tabady degen oıdamyn», dedi N.Súıindikov.
