Áseri kúshti dárilerdi zańsyz satý boıynsha 16 qylmystyq is qozǵaldy

ASTANA. KAZINFORM – Elimizde 30 naýryz ben 3 sáýir aralyǵynda elimizde «Dármek» is-sharasy ótti. 

Onyń maqsaty — esirtki jáne psıhotroptyq dárilerdiń zańdy aınalymyn baqylaý.

Jedel-profılaktıkalyq is-shara aıasynda:

— áseri kúshti dárilerdi zańsyz satý boıynsha 16 qylmystyq is qozǵaldy;

— dárihana qyzmetkerlerine qatysty 13 qylmystyq is tirkeldi;

— myńnan astam medıtsınalyq mekeme jáne 300 kásiporyn tekserildi;

— 209 ákimshilik quqyq buzý anyqtaldy;

— 500 myńnan astam dári jáne 1,5 myń tonna prekýrsordyń aınalymy shekteldi;

— 73 kásiporyn basshysy jaýapkershilikke tartyldy;

— 136 medıtsına qyzmetkerine qatysty materıaldar jınaldy.

 Almatyda retseptisiz dári satqan tórt dárihananyń farmatsevtterine qatysty qylmystyq ister qozǵaldy. Aqtóbede iri farmatsevtıkalyq mekemege qatysty is qozǵalyp, 400 myń dári tárkilendi.

Túrkistan oblysynda 100 tonna kúkirt qyshqyly arnaıy kúzetsiz tasymaldanǵan. Abaı oblysynda 680 tonna prekýrsordy tasymaldaý erejesi buzylǵan. 

Aıta ketelik qazaqstandyqtar qandaı preparattardy jıi satyp alatyny týraly jazǵan edik.