Mıanmadan 50 myńnan astam turǵyn bosyp ketti
ASTANA. QazAqparat - Mıanmanyń batysyndaǵy musylman dinin ustanatyn rohındja etnosy turatyn Rakhaın shtatynda 2600-den astam úı órteldi. Respýblıka bıligi bul oqıǵaǵa Arakan armııasy ıslamdyq qozǵalysynyń áskerı jasaqtary aıyptaýda, dep habarlaıdy euronews.com .
Atalǵan qozǵalys Mıanmada terrorlyq uıym dep tanylǵan. Al rohındja ulysy «órt qoıyp jatqandar qaýipsizdik kúshteriniń qyzmetkerleri» degendi alǵa tartady. Dıaspora belsendileriniń aıtýynsha, bılik olardy elden qýyp shyǵýǵa nıetti.
«Áskerıler bizdiń eldi mekenge basa-kóktep kirip, barlyǵymyzdy tekserýdi, sıyrlarymyzdy tartyp aldy», - deıdi turǵyndardyń biri. «Sonan soń oq jaýdyra bastady, tipti áıelder men balalardy da ata berdi. Biz kúrish alqaptaryna qaraı qashtyq, aýylda qalǵandardyń barlyǵyn óltirip tastady».
Rakhaında dinı negizdegi janjaldar toqtamaı tur, olardyń arty sońǵy kezde jergilikti býddıster men musylmandardyń qaqtyǵysyna ulasqan. Al tamyz aıynyń aıaǵyna qaraı júzdegen ıslamıstik áskerı jasaqtar jergilikti polıtsııa beketterine shabýyldaǵannan keıin jaǵdaı tipten ýshyǵyp ketken. Qaqtyǵystardyń saldarynan 400-den astam adam qaza bolǵan, 50 myńnan astam turǵyn bosyp ketken.
Mıanmadaǵy zorlyq-zombylyqtardyń saldarynan sońǵy jyldary myńdaǵan adam qurban bolǵan.
