Mıanmada tarıhı saılaý bastaldy
ASTANA. QazAqparat - Mıanmada (Bırma) jeksenbi kúni daýys berý úshin saılaý ýchaskeleri ashyldy. Elde áskerılerdiń 53 jyldyq basqarýy osy saılaýda aıaqtalýy múmkin bolǵandyqtan ony tarıhı dep atady.
Saılaý 2011 jyly bılik azamattyq úkimetke tapsyrylyp, eonomıkalyq jáne saıası reformalar bastalǵannan keıin alǵash ret ótkizilip otyr. Alaıda prezıdenttik laýazymda áskerı lıder general Tan Shve otyr, dep habarlady Bı-Bı-Sı.
1990 jyly bolǵan saılaýda Aýn San Sý Chjı bastaǵan "Demokratııa úshin ulttyq lıga" partııasy jeńgen edi. Alaıda generaldar daýys berý nátıjesin joıyp, dıktatýra ornatty. Saldarynan Aýn San Sý Chjı shamamen 15 jyl úıqamaqta otyryp, keıinnen Nobel syılyǵyna ıe boldy.
Bul joly general Tan Shve halyq erkine qurmetpen qaraýǵa sóz berdi, alaıda onyń oıynsha kúrt ózgerister turaqsyzdyqqa ákelýi múmkin.
