Mıanmada shahta opyrylyp, 54 adam úıindi astynda qaldy
NUR-SULTAN. QazAqparat - Mıanmada nefrıt shahtasy opyrylyp, úsh adam mert boldy, 51 kenshini úıindi basyp qalǵan. Bul týraly Reıter agenttigi jergilikti sheneýnikke jáne qutqarýshylarǵa silteme jasap habarlaıdy.
Derekterge qaraǵanda, oqys oqıǵa el soltústigindegi Kachın shtatynda seısenbige qaraǵan túni bolǵan. Ken qazatyn eki kompanııanyń 54 jumysshysy men 40 tehnıka úıindi astynda qaldy. Seısenbiniń tańynda qutqarýshylar úıindi astynan úsh adamnyń denesin alyp shyqty.
Mıanma Aqparat mınıstrligi apattan keıin 54 shahterdiń habar-osharsyz ketkenin rastady.
