Mıanmada nefrıt shahtasy opyrylyp, 14 adam qaza tapty
ıANGON. QazAqparat – Búgin tańerteń Mıanmada nefrıt shahtasy opyrylyp, ishinde 14 adam qaza tapty, dep habarlaıdy QazAqparat tilshisi Reuters agenttigine silteme jasap.
Apat saldarynan 4 adam habar-osharsyz ketti dep jarııalandy.
Shahtanyń kúzet posty túgel jermen-jeksen bolǵan.
Shahta ornalasqan aýdannyń polıtsııasynyń bastyǵy Tan Vın Aýngtyń aıtýynsha, qaza tapqan 14 adamnyń denesi úıindiler astynan shyǵarylǵan. Álgi habar-osharsyz ketti dep jarııalanǵan tórt adam, sonyń ishinde shahtany kúzetken eki polıtseı de qaza tapqan bolýy múmkin degen joramal bar.
Habarlarǵa qaraǵanda, Mıanmanyń Kachın shtatyndaǵy Hpakanta nefrıt ortalyǵynda sońǵy jyldary adam shyǵyna ákep soqtyratyn apattar jıileı túsken.
